ართრიტი ძაღლებში

ართრიტი არის ერთი, ან მეტი სახსრის მწვავე, ან ქრონიკული ანთება, რასაც თან სდევს ხრტილის ნელი დაშლა.

ვინაიდან ხრტილს არ აქვს ნერვული დაბოლოებები, პროცესი შეიძლება გაგრძელდეს წლების განმავლობაში, ყოველგვარი გარეგანი ნიშნების გარეშე. დაავადება საკმაოდ გავრცელებულია ძაღლებში.

გამომწვევი მიზეზები

არ არსებობს ერთი კონკრეტული მიზეზი რამაც შეიძლება გამოიწვიოს ეს დაავადება ცხოველებში, ართრიტი შეიძლება გამოწვეული იყოს:

1. სხეულის აგებულება (როგორი სხეულის აგებულება აქვს ცხოველს);
2. სხეულის მდგომარეობა ( ჭარბი წონა);
3. სახსრების არასწორი განვითარება (ბარძაყის ან იდაყვის დისპლაზია);
4. ორთოპედიული ქირურგიის გართულება;
5. არასწორი კვება;
6. სიბერე.

სიმპტომები

ართრიტის არსებობაზე ბევრი სიმპტომი მიუთითებს, თუმცა უნდა გაითვალისწინოთ, რომ ძაღლები ხშირად ცდილობენ შეეგუონ ამ დისკომფორტს და მალავენ სიმპტომებს.

1. არ აქვთ სურვილი რომ ადგნენ, ისეორნონ ან ითამაშონ;
2. კოჭლობა;
3. სეირნობისას ჩამორჩენა;
4. ტკივილი წამოდგომისას და ნაკლები სიმტკიცე კიდურებში;
5. ხასიათის ცვლილება ( შეიძლება ცხოველი აგრესიული გახდეს ტკივილის გამო);
6. ხშირად ილოკავენ იმ სახსარს, რომელიც სტკივათ;
7. სახსრების შეშუპება.

ეს სიმპტომები უფრო თვალსაჩინო გახდება ართრიტის განვითარებსათან ერთად, სამწუხაროდ მისი მკურნალობა შეუძლებელია მაგრამ თქვენ შეგიძლიათ უფრო კომფორტული გახადოთ თქენი ოთხფეხა მეგობრის ცხოვრება.

ჩვენ ხშირად წარმოგვიდგენია რომ ართრიტი მხოლოდ ასაკში შესულ ძაღლებს ემართებათ, თუმცა ეს ასე არ არის. დაავადება შეიძლება დაიწყოს ადრეულ ასაკში, მაშინ როცა ცხოველი 3 ან 4 წლის არის.

ართრიტი ერთი-ერთი ყველაზე გავრცელებული დაავადებაა, რომელსაც ძაღლები აწყდებიან. ეს არ არის მხოლოს მტკივნეული დაავადება, ართრიტი ამცირებს თქენი ცხოველის სიცოცხლის ხანგრძლიობასაც.

დაავადება ყველა ძაღლში განსხვაებულად ვითადება. ერთი ძაღლი შეიძლება კოჭლობდეს, მეორეს კი უბრალოდ ნაკლები სურვილი ქონდეს სიარულის. ნიშნები ძალიან მრავალფეროანია და შეიძლება გავდეს სხვა დაავადებების სიმპტომებს, როგორიცაა: გულის, ფილტვების ან ხერხემლის დაავადება, რისთვისაც საჭიროა ვეტერინართან კონსუტაცია და ზუსტი დიაგნოზის დასმა.

დიაგნოსტირება და პრვენცია

თუ შენიშნავთ ზემოთ ჩამოთლილ ნიშნებს დაუყონებლივ მიმართეთ ვეტერინარს, რომელიც დაგეხმარებათ ზუსტი დიაგნოზის დასმაში. დიაგნოზის დასმა ხდება ზოგადი დათვალიერებით და რენტგენის მეშვეობით.

როგორც ვახსენეთ ართრიტის მკურნალობა შეუძლებელია, მაგრამ ჩვენ შეგვიძლია მისი განვითარების შანსი მინიმუმადე დავიყვანოთ.

სწორი კვება

ლეკვის სახსრებისა და ჩონჩხის სისტემის სწორი ზრდა დამოკიდებულია სრულფასოვან კვებაზე. ლეკვისთვის რეკომენდირებულია ზრდის ნელი და რაც შეიძლება სტაბილური ტემპი. მნიშვნელოვანია რომ საკვები იყოს დაბალანსირებული ვიტამინებითა და მინერალებით და შეიცავდეს ყველა იმ საჭირო ნივთიერებას რაც აუცილებელია თქვენი ოთხფეხა მეგობრისთის.

ამ თემასთან დაკავშირებით ვრცლად შეგიძლიათ წაიკითხოთ ამ სტატიაში

როგორ შევუმსუბუქოთ მდგომარეობა ჩვენს ოთხფეხა მეგობარს?

წონის კონტროლი

ართრიტის პრევენციის პირველი ნაბიჯი არის ჭარბი წონის თავიდან აცილება. ჭარბი წონა ქმნის დამატებით ზეწოლას სახსრებზე, რაც განაპირობებს ხრტილის კიდევ უფრო სწრაფ ცვეთას. წონის თავიდან აცილებისთვის, ვარჯიშის და მოციონის გარდა, საუკეთესო გზაა სწორი კვება.

რბილი საწოლი

როგორც ვთქვით, სახსრების პრობლემისას ძაღლს უჭირს ფეხზე ადგომა და თუ დაავადება რთულ ფორმებშია, მისთვის წოლაც გარკვეულ დისკომფორტთან იქნება დაკავშირებული, ამიტომ უმჯობესია, თუ საწოლი დამზადებული იქნება ორთოპედული ლეიბისგან, რომელსაც ახასიათებს ფორმის დამახსოვრების ფუნქცია. ასეთ ლეიბზე წოლა და ადგომა ძაღლს ბევრად გაუმარტივდება.

ვარჯიში

ფიზიკური ვარჯიში ძალიან მნიშვნელოვანია როგორც ართრიტის შემთხვევაში ასევე ჯანმრთელი ცხოველისთვისაც.  თუ ცხოველს უკვე აღენიშნება ართრიტი მისთვის ყოველდღიური მოციონი და ცურვა ძალიან კარგია, თუმცა არ უნდა მოხდეს ზედმეტი დატვირთვა (ბურთის მოტანა, ხტუნვა) რომ სახსრების მდგომარეობა არ გავაუარესოთ.

იატაკი და კიბეები

ართრიტიან ძაღლებს უჭირთ კიბეზე ასვლა და ჩამოსვლა, ამიტომ უმჯობესი იქნება, თუ გამოიყენებთ პანდუსებს კიბეებზე და დივანზე ასასვლელად. ასევე თქვენი ოთხფეხა მეგობრისთვის მდგომარეობის შემსუბუქება შეგიძლიათ იატაკზე ნოხის დაგებით, თუ გაქვთ სრიალა ზედაპირის მქონე იატაკი.

გრუმინგი

სახსრების პრობლემების გამო ძაღლები კარგავენ მოქნილობას და ისინი ისე კარგად ვეღარ ახერხებენ თავის გასუფთავებას, ამიტომ ბანაობა და ჰიგიენაზე ზრუნვა უფრო ხშირად მოგიწევთ, ამგვარად ცხოველიც ნაკლებად ინერვიულებს.

მკურნალობა

ართრიტის მკურნალობა დამოკიდებულია ძალიან ბევრს რამეზე, ამას კონკრეტულად თქვენი ვეტერინარი გადაწყვიტავს თუ რა გზით შეიძლება ცხოველს შეუმსუბუქოთ ყოფა, ეს დამოკიდებულია: ცხოველის ასაკზე, ჯიშზე, ცხოველის მდგომარეობაზე, დაავდების სიმძიმეზე, სხვა არსებულ დაავადებებზე და ასე შემდეგ.

მკურნალობა შეიძლება მოიცავდეს:

1. ანთების საწინააღმდეგო და სხვა ჯგუფის მედიკამენტებს;
2. ქირურგიულ ჩარევას
3. ბიოლოგიურად აქტიურ დანამატებს საკვებში
4. ფიზიოთერაპიას

ვეტნეტი გირჩევთ

არასდროს მისცეთ თქვენს ოთხფეხა მეგობარს ტკივილ გამაყუჩებელი პრეპარატები ვეტერინართან კონსულტაციის გარეშე! ამ ჯგუფის პრეპარატები ძალიან ცუდად მოქმედებს ძაღლებზე და შეიძლება სავალალო შედეგებამდე მიგიყვანოთ!