სანამ კურდღელი თქვენი ოჯახის ახალი წევრი გახდება, უნდა გაითვალისწინოთ, რომ ამ ცხოველს სჭირდება სპეციფიკური მოვლა. კურდღელს ძალიან კარგად აქვს განვითარებული ნერვული სისტემა, რაც ნიშნავს იმას, რომ ის ძალიან მგრძნობიარეა ყველანაირი სტრესის, ხმაურის და მკვეთრ შუქის მიმართ, ამიტომ არ უნდა შეაშინოთ ან შეაწუხოთ ის მაშინ, როცა ისვენებს, იკვებება ან სუფთავდება.
სახლის შერჩევისას გასათვალისწინებელია, რომ კურდღლები ძალიან მოძრავი ცხოველები არიან და განსაკუთრებით საღამოს და ღამის საათებში მოსწონთ გადაადგილება.
სხვადასხვა ორგანიზაციები, რომლებიც ორიენტირებულია ცხოველების კეთილდღეობის უზრუნველყოფაზე, სხვადასხვა რეკომენდაციებს გასცემენ სახლის ზომებთან დაკავშირებით. ჩვენ მიგვაჩნია, რომ ყველაზე ოპტიმალური ზომა სახლისთვის არის 3X2X1მ სადაც სიგრძე 3მ-ია, სიგანე-2მ ხოლო სიმაღლე 1მ. ამგვარად თქვენს ოთხფეხა მეგობარს ექნება საკმარისი სივრცე, რომ დაიკმაყოფილოს მოძარაობის მოთხოვნილება, დაწვეს და ირბინოს თავისუფლად და დადგეს ორ ფეხზე ისე, რომ ყურებით არ ეხებოდეს სახურავს.
კურდღლები საკმაოდ მგრძნობიარეები არიან მტვერის და მძაფრი სუნების მიმართ. რეკომენდებულია გალიის დასუფთავება კვირაში ერთხელ, თუმცა შესაძლოა თქვენს კურდღელს უფრო ხშირადაც დასჭირდეს სახლის დალაგება. ძირითადად ეს ყველაფერი დამოკიდებულია სახლის ზომაზე და იმაზე, თუ რა მასალას იყენებთ საფენად.
!!! გაითვალისწინეთ!!!
არასდროს გაწმინდოთ კურდღლის სახლი ქიმიური საშუალებებით!
სახლის ქვეშსაგებად შეგიძლიათ გამოიყენოთ:
გალია არ უნდა მოათავსოთ გამათბობელთან ძალიან ახლოს ან პირიქით ცივ ადგილას. გალიაში შეეცადეთ რომ მოათავსოთ ოდნავ მძიმე ჭურჭელი რაშიც მოათავსებთ მის საკვებს, რომ კურდღელმა ვერ შეძლოს მისი გადაყირავება. ჭურჭელში მუდმივად უნდა ესხას წყალი, რისი გამოცვლას ასევე ყოველდღიურად არის საჭირო.
კურდღლებს უყვარს ჭამა და მოსაქმება ერთდროულად. თუმცა ის ამას როგორც წესი, ერთ ადგილზე აკეთებს ხოლმე. ამიტომ დააკვირდით თუ ძირითადად სად ისაქმებს თქვენი ოთხფეხა მეგობარი და იმ ადგილზე დადეთ ყუთი, რომელიც არ დაიკავებს დიდ ადგილს გალიაში. ტუალეტი შეგიძლიათ ამოავსოთ თივით, მაგრამ არა ნახერხით ან კატის სპეციალური ქვიშით.
სწორად შერჩეული რაციონი არის გარანტია იმისა, რომ თქვენი ცხოველი იცოცხლებს დიდხანს და ჯანმრთელად. კურდღლის რაციონი შედგება შემდეგი ინგრედიენტებისგან:
თივა, რასაც ცხოველი ყოველდღიურად უნდა იღებდეს თქვენი კურდღელი, რადგან ის ხელს უწყობს კუჭ-ნაწლავის მოქმედებას.
მარცვლეული: ხორბალი, შვრია, ჭვავი ან ქერი. ასეთი ტიპის საკვები სასარგებლოა, თუმცა არ შეიძლება დიდი რაოდენობით, რადგან შესაძლოა გამოიწვიოს ცხოველის ჭარბწონიანობა, რაც უარყოფით გავლენას ახდენს ჯანმრთელობაზე.
კურდღლები დიდი სიამოვნებით მიირთმევენ ხილსა და ბოსტნეულსაც: სტაფილო, ვაშლი, ბოლოკი, ბანანი, ფორთოხალი, ნესვი, ქლიავი და სხვა.
გაითვალისწინეთ, რომ კურდღლის კვება მხოლოდ ხილით და ბოსტნეულით დაუშვებელია. ასეთ შემთხვევაში ის ვერ მიიღებს საჭირო ნუტრიენტებს, რაც ჯანმრთელობის მდგომარეობის გაუარესებას და განუვითარებლობას გამოიწვევს. ხილი და ბოსტნეული მხოლოდ დამატებითი ინგრედიენტები უნდა იყოს რაციონის გამრავლფეროვნების მიზნით.
ზოომაღაზიებში ასევე შეხვდებით სხვადასხვა სპეციალურ საკვებს კურდღლებისთვის, რომელიც უკვე შეიცავს, მარცვლეულს, ვიტამინებსა და გამომშრალი ხილის ნაჭრებს.
ნუ მისცემთ კურდღელს ტკბილეულობას, ორცხობილას ან ნამცხვრებს, ასევე მოარიდეთ სალათის ფურცლებს. აკრძალულია პური, პასტა, იოგურტი, ავოკადო, კაკალი, ყვავილოვანი კომბოსტო. ასეთი საკვები გამოიწვევს დიარეას და სხვა პრობლემებს, რაც საბოლოოდ შეიძლება სიკვდილითაც დამთავრდეს.
კურდღლის გამოკვება უნდა მოხდეს ყოველდღე. მათ სულ უნდა ჰქონდეთ წვდომა წყალთანც და საკვებთანაც, ასევე მუდმივად უნდა შეეძლოთ თივის ჭამა, მაგრამ უნდა აკონტრლოთ სხვა დანარჩენი საკვების მიღების პორციები და სიხშირე.
კურდღლები ძალიან მალე მრავლდებიან, ისინი სქესობრივ სიმწიფეს 3-8 თვის ასაკში აღწევენ და მზად არიან შეწყვილებისთვის. მათი მაკეობა გრძელდება 30 დღის განმავლობაში და აჩენენ დაახლობით 4-12 ბაჭიამდე.
თუ ორი ან მეტი კურდღელი გეყოლებათ გაითვალისწინეთ, რომ ძალიან მალე შეიძლება კურდღლების მთელი არმია გყავდეთ.
იხილეთ ასევე სტატია ზაზუნების შესახებ
რა უნდა ვიცოდეთ ცხოველის აყვანამდე
ბევრისთვის სახლში ოთხფეხა მეგობრის მიყვანის მთავარი მოტივი საყვარელი არსების ყოლაა, რომელსაც მოეფერება და საკვებს აჭმევს ხოლმე. რა თქმა უნდა, ცხოველის ყოლა ასე მარტივი არ არის. თითოეული ჩვენგანი ვალდებულია იზრუნოს თავისი ოთხფეხა მეგობრის ჯანმრთელობაზე, კომფორტ...
ხორცისმჭამელთა ჭირი
რა არის ჭირი? ხორცისმჭამელთა ჭირი მწვავე კონტაგიოზური ინფექციური დაავადებაა, რომელსაც ახასიათებს ლორწოვანი გარსების კატარი, პნევმონია, ნერვული სისტემის და კუჭ-ნაწლავს ტრაქტის ფუნქციის მოშლა. დაავადების ლეტალობა საწყის ეტაპზე 50%-ია ხოლო ნერვული ფორმის დროს -...
კატის მაკეობა და მშობიარობა
კატები წელიწადში რამდენჯერმე ხურდებიან. ახურების დროს ისინი ძალიან თბილები და მოსიყვარულეები ხდებიან, სულ უნდათ მოფერება და როცა მათ ეფერებიან, უკანა ნაწილს მაღლა წევენ, ხოლო უკანა კიდურებით ეხებიან იატაკს. ასეთი ქცევა ხშირად პატრონებს ეშლებათ დაავადებაში ან ტ...
ძაღლის და კატის კატარაქტა
კატარაქტა არის თვალის ბროლის შემღვრევა, რაც შეიძლება გამოწვეული იყოს ბროლში წყლის ბალანსის დარღვევით, ან მასში ცილის შემცველობის ცვლილებით. დაავადება ხასიათდება მხედველობის დაქვეითებით მის სრულ დაკარგვამდე. შეიძლება განვითარდეს ცალ ან ორივე თვალში. დაავადება გ...
ძაღლის შეჯვარება, მაკეობა, მშობიარობა
როდის უნდა შევაჯვაროთ ძაღლი? ძუ ძაღლები სქესობრივად მომწიფებული საშუალოდ 9-10 თვის ასაკში ხდებიან. პატარა ჯიშის ძაღლებში ახურება პირველად უფრო ადრეც შეიძლება გამოვლინდეს და ზოგიერთ შემთხვევაში 5-6 თვის ასაკში ცხოველი უკვე სქესობრივად მომწიფებულია. ახურების პი...
ალერგია ძაღლებში
გსმენიათ ოდესმე რომ ძაღლებიც შეიძლება იყვნენ ალერგიულები? ვისაუბროთ თუ რაზე შეიძლება ქონდეს თქვენც ოთხფეხა მეგობარს ალერგია და რა სიმპტომების გამოწვევა შეუძლია ალერგიას. ალერგიის ტიპები ძაღლებში ალერგია ეს არის იმუნური სისტემის პასუხი უცხო ნივთიერებაზე. ძაღლ...
ჯიშიანი ძაღლების არამიზნობრივი გამოყენება
ეს თემა საკმაოდ აქტუალურია დღევანდელ მსოფლიოში და შესაბამისად საქართველოც არაა გამონაკლისი. აღნიშნული პრობლემა გამოწვეულია ადამიანის წინდაუხედაობის და ცოდნის ნაკლებობის გამო. საუბარი ჯიშიანი ძაღლების არამიზნობრივ გამოყენებაზე, რაც შემდგომში უარყოფითად მოქმედებ...
მე კი ადამიანმა ვინც მაჩუქა ბაჭია, მითხრა, რომ გამომშრალი პური მიეციო კარგად ჩამენო. იმის მერე ზოგჯერ ვაძლევ და ღრნის სიამოვნებით. ვტოვებ პურის პატარა გვერდულას და როცა სრულად გამოშრება ვაჭმევ. ანუ აღარ ვაჭამო? ბოლოკი არ მიმიცია. ვცდი. აი სალათის ფოთოლზე კიდევ კაი წავიკითხე. თუთიკოები მყავს მათ ძალიან უყვართ სალათის ფურცელი და კი ვიფიქრე ბაჭიასაც ხო არ მივცე ჰმმმ.